الجهل بيني و بينك طايـح سـوره
من مر الأيام صارت عندنا خبـره
ما دام عينك من اللي صار مكسوره
أجمع شموخك و أخفف حدة النبـره
لا شفت وجهك ليا غيرته الفـوره
أشوف قلبي ليا من مل من صبـره
يآخر مبالاة قلبـي و اول شعـوره
شفلي سنع في غلاك و شوفلي الدبره
خليت نفسي مـن الايـام مقهـوره
و خليت حالي لمن لا يعتبر عبـره
غديت في دنيتك يا مهُـدي الفـوره
في روضة خريم مثل مضيع الأبـره
خلصت ما عاد أقاوم صدك وجـوره
القلب قرب يموت و غيبتـك قبـره
فراقك العـام تكفـى لا يجـي دوره
صرت احسبلُه و افكر فيه و أعتبره
ماني بناسي هذاك الطيش و غروره
يوم أنك أخلفت ظني فيك وش كبـره
و أذاك ناسي تراها عندي الصوره
و أقفيت تضحك و أنا غصتني العبره
--------------------
انتظر ردودكم وخاصتن الوسمي
السبت أبريل 18, 2015 2:18 am من طرف عازف على وتر العود
